រដ្ឋបាលខេត្តកំពង់ធំ បន្តរកឃើញអ្នកវិជ្ជមានជំងឺកូវីដ១៩ ចំនួន ៤៤នាក់ ដោយការធ្វើតេស្តរហ័ស (Rapid Test) ជាសះស្បើយចំនួន ២៥នាក់

 

ខេត្តកំពង់ធំថ្ងៃទី២១ ខែកក្កដា ឆ្នាំ២០២១រដ្ឋបាលខេត្តកំពង់ធំ បន្តរកឃើញអ្នកវិជ្ជមានជំងឺកូវីដ១៩ ចំនួន ៤៤នាក់ ដោយការធ្វើតេស្តរហ័ស (Rapid Test) ជាសះស្បើយចំនួន ២៥នាក់

ប្រភព៖ មន្ទីរព័ត៌មានខេត្តខេត្តកំពង់ធំ,

(សូមអានបន្ត)

ចិនសម្រេចផ្តល់ជំនួយ២.៥លានដុល្លារដល់កម្ពុជាថែមទៀត លើការងារបោសសម្អាតគ្រាប់មីន

 

ភ្នំពេញ៖ រដ្ឋាភិបាលចិនបានសម្រេចផ្ដល់ជំនួយ២លាន ៥សែនដុល្លារដល់កម្ពុជាបន្ថែម ទៀត ដើម្បីគាំទ្រដល់កិច្ចប្រតិបត្តិការបោសសម្អាតគ្រាប់មីន និងសំណល់យុទ្ធភណ្ឌនានា។

ឯកឧត្តម ហេង រតនា ប្រតិភូរាជរដ្ឋាភិបាលទទួលបន្ទុកជាអគ្គនាយកមជ្ឈមណ្ឌលសកម្មភាព កំចាត់មីនកម្ពុជា បានឲ្យដឹងនាថ្ងៃទី២០ កក្កដានេះថា រដ្ឋាភិបាលសាធារណរដ្ឋប្រជាមានិតចិនបានសម្រេចផ្តល់ជំនួយឥតសំណងមានទឹកប្រាក់សរុបចំនួន២លាន៥សែនដុល្លារអាមេរិកដល់រាជរដ្ឋាភិបាលកម្ពុជា តាមរយ:ក្រសួងសេដ្ឋកិច្ចនិងហិរញ្ញវត្ថុ។

ឯកឧត្តមបន្តថា ជំនួយនោះ ដើម្បីគាំទ្រសកម្មភាពបោសសម្អាតមីន និងសំណល់ជាតិផ្ទុះពីសង្គ្រាមរបស់អង្គភាពស៊ីម៉ាក់ ស្ថិតនៅកងឯកភាពកំចាត់មីនទី៦ ខេត្តព្រះវិហារ ឧត្តរមានជ័យ ស្ទឹងត្រែង និងកងឯកភាពកំចាត់មីនទី៤ ខេត្តសៀមរាប និងខេត្តកំពង់ធំ ដែលមានកម្លាំងប្រតិបត្តិការសរុបចំនួនជិត៣០០នាក់។ គម្រោងនោះ មានរយៈពេល ១២ខែ ចាប់ពីខែមករា ដល់ខែធ្នូឆ្នាំ២០២២ និងមានផែនការត្រូវរំដោះផ្ទៃដីចម្ការមីននិងចម្ការសំណល់ជាតិផ្ទុះពីសង្គ្រាមចំនួនជាង១ពាន់៧០០ហិកតា និងសកម្មភាពអប់រំយល់ដឹងពីគ្រោះថ្នាក់ ដោយសារមីនចំនួន៧ខេត្ត។

ឯកឧត្តមហេង រតនា បញ្ជាក់ថារយ:ពេល៦ខែ ឆ្នាំ២០២១មកនេះ គម្រោងជំនួយចិនលុបបំបាត់គ្រាប់មីននៅកម្ពុជា ដែលបានផ្តល់ជំនួយឥតសំណងមានទំហំថវិកាដូចឆ្នាំ២០២២ដែរនោះ និងបាន រំដោះដីចម្ការមីន/គ្រាប់សំណល់ជាតិផ្ទុះចំនួនជិត១ពាន់៨៣ហិកតា ដោយរុករកឃើញកំទេចគ្រាប់មីន និងសំណល់ជាតិផ្ទុះពីសង្គ្រាមចំនួនជាង៥ពាន់គ្រាប់។

ឯកឧត្តមបានសម្តែងនូវការដឹងគុណជូនចំពោះប្រជាជននិង រដ្ឋាភិបាលចិនដែលបានគាំទ្រថវិកា​មនុស្សធម៌ដ៏មានសារសំខាន់នោះ សំរាប់ទ្រទ្រង់សកម្មភាពអង្គភាពស៊ីម៉ាក់ ក្នុងការរំដោះគ្រាប់មីននិងសំណល់យុទ្ធភណ្ឌពីសង្គ្រាម ផ្តល់សុខសុវត្ថិភាពនិងគាំទ្រការអភិវឌ្ឍន៍នៅកម្ពុជា៕

(សូមអានបន្ត)

ស្ថានភាពជំងឺរាតត្បាតកូវីដ-១៩ មានសភាពធ្ងន់ធ្ងរខ្លាំងនៅក្នុងប្រទេសថៃ សិង្ហបុរី និងម៉ាឡេស៊ី

 

 ភ្នំពេញ:ថ្ងៃទី ២០ ខែកក្កដា ឆ្នាំ ២០២១ កាលពីថ្ងៃទី ១៩ ខែកក្កដា ប្រទេសថៃបានកត់ត្រាករណីឆ្លងថ្មីនៃជំងឺកូវីដ-១៩ ចំនួន ១១ ៧៨៤នាក់ក្នុងរយៈពេល ២៤ម៉ោងកន្លងមក។ នេះជាថ្ងៃទីបួនជាប់ៗគ្នាហើយដែលប្រទេសនៅអាស៊ីអាគ្នេយ៍មួយនេះបានឈានដល់ចំនួនករណីឆ្លងថ្មីខ្ពស់បំផុតចាប់តាំងពីមានការរាលដាលជំងឺរាតត្បាតមក។

ប្រទេសថៃក៏បានរាយការណ៍ផងដែរថា មានអ្នកស្លាប់ដោយសារជំងឺកូវីដ-១៩ ចំនួន ៨១នាក់បន្ថែមទៀត។ រហូតមកដល់បច្ចុប្បន្ន ប្រទេសនេះមានអ្នកឆ្លងសរុបចំនួន ៤១៥ ១៧០នាក់ និងមានអ្នកស្លាប់សរុបចំនួន ៣ ៤២២នាក់។

ការស្ទង់មតិយោបល់មួយដែលធ្វើឡើងដោយសាកលវិទ្យាល័យ Suan Dusit Rajabhat ដែលបានចេញផ្សាយកាលពីថ្ងៃទី ១៨ ខែកក្កដា បានបង្ហាញថា ប្រជាជនថៃភាគច្រើនគិតថា ស្ថានភាពបច្ចុប្បន្ននៃជំងឺកូវីដ-១៩ នៅក្នុងប្រទេសនេះមានសភាពធ្ងន់ធ្ងរខ្លាំង ហើយវាត្រូវការពេល ២ឆ្នាំដើម្បីឱ្យសេដ្ឋកិច្ចងើបឡើងវិញ។

ទាក់ទងនឹងភាពធ្ងន់ធ្ងរខ្លាំងនៃស្ថានភាពជំងឺកូវីដ-១៩ នាពេលបច្ចុប្បន្ននេះ មាន ៦០,៩៣ភាគរយនៃអ្នកឆ្លើយសំណួរចាត់ទុកថាមានសភាពធ្ងន់ធ្ងរខ្លាំង ២៤,១២ភាគរយនិយាយថាវាធ្ងន់ធ្ងរ ហើយ ១៤,៩៥ភាគរយនិយាយថាវាធ្ងន់ធ្ងរតិចតួច។

នៅពេលដែលត្រូវបានគេសួរថា តើត្រូវការរយៈពេលប៉ុន្មានសម្រាប់ប្រទេសថៃដើម្បីជំនះវិបត្តិសេដ្ឋកិច្ច អ្នកឆ្លើយសំណួរចំនួន ៣៦,៧៤ភាគរយបាននិយាយថាវានឹងចំណាយពេលច្រើនជាងពីរឆ្នាំ ២៧,៦០ភាគរយបាននិយាយថាវាចំណាយពេលមួយឆ្នាំ ហើយ ៩,៧៣ភាគរយបាននិយាយថាវាចំណាយពេល ៦ខែ។

នៅក្នុងប្រទេសសិង្ហបុរី ក្រសួងសុខាភិបាលបានណែនាំដល់ប្រជាជនដែលមិនទាន់បានចាក់វ៉ាក់សាំងការពារជំងឺកូវីដ-១៩ ជាពិសេសមនុស្សវ័យចំណាស់ ត្រូវតែស្នាក់នៅតែក្នុងផ្ទះឱ្យបានច្រើនតាមដែលអាចធ្វើទៅបានក្នុងរយៈពេលពីរបីសប្តាហ៍ខាងមុខនេះ ចំពេលដែលមានក្តីបារម្ភកាន់តែខ្លាំងឡើងអំពីរលកថ្មីនៃការឆ្លងក្នុងសហគមន៍។

ប្រទេសសិង្ហបុរី កាលពីថ្ងៃទី ១៨ ខែកក្កដាបានកត់ត្រាករណីឆ្លងថ្មីនៃជំងឺកូវីដ-១៩ ចំនួន ៨៨នាក់ ដោយមានការកើនឡើងនៃការឆ្លងដែលទាក់ទងនឹងបារ៍ ខារ៉ាអូខេ និងកំពង់ផែនេសាទ Jurong ។

ប្រជាជនសិង្ហបុរីប្រមាណ ៧៣ភាគរយបានទទួលការចាក់វ៉ាក់សាំងការពារជំងឺកូវីដ-១៩ ហើយរដ្ឋាភិបាលកំពុងបង្កើនការចាក់វ៉ាក់សាំងសម្រាប់មនុស្សវ័យចំណាស់។

នៅថ្ងៃដដែលនោះ ក្រសួងសុខាភិបាលនៃប្រទេសម៉ាឡេស៊ីបានអនុម័តទោលើការនាំចូល និងចែកចាយឧបករណ៍ធ្វើតេស្តជំងឺកូវីដ-១៩ ពីរប្រភេទ ដែលត្រូវបានដាក់លក់នៅតាមឱសថស្ថាន សហគមន៍ ឬមជ្ឈមណ្ឌលវេជ្ជសាស្ត្រដែលបានចុះបញ្ជី។

ឧបករណ៍ទាំងនោះរួមមាន ឧបករណ៍ធ្វើតេស្តរហ័សអង់ទីហ្សែនជំងឺកូវីដ-១៩ Salixium ដែលផលិតដោយក្រុមហ៊ុន Reszon Diagnostic (ម៉ាឡេស៊ី) និងឧបករណ៍ធ្វើតេស្តរហ័សអង់ទីហ្សែនជំងឺកូវីដ-១៩ Gmate របស់ក្រុមហ៊ុន Philosys (សាធារណរដ្ឋកូរ៉េ)៕ (ប្រភព VNA បកប្រែដោយលោក យា ចិន្តាខន្តី) 

(សូមអានបន្ត)

 បាត់ដំបង: ថ្ងៃទី១៩ ខែកក្កដា ឆ្នាំ២០២១ នៅថ្ងៃ៩កើត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអាទិត្យ ទី១៨ ខែកក្កដា ឆ្នាំ២០២១ ឯកឧត្តម ងួន រតនៈ អភិបាលខេត្តបាត់ដំបង បានអញ្ជើញចូលរួមក្នុងកម្មវិធីប្រកួតជម្រុះពាក់កណ្តាលផ្តាច់ព្រ័ត្រ នៃកម្មវិធី«វោហារឆ្នើម» បាត់ដំបង ក្រោមអធិបតីភាព ឯកឧត្តម ស សុខា រដ្ឋលេខាធិការក្រសួង អបរំ យុវជន និងកីឡា និងលោកជំទាវ តាមប្រព័ន្ធវីដេអូ Zoom ។

ឯកឧត្តម ងួន រតនៈ មានប្រសាន៍ថា កម្មវិធី «វោហារឆ្នើម» បង្កើតឡើងក្រោមគំនិតផ្តួចផ្តើមរបស់ ឯកឧត្តម ស សុខា រដ្ឋលេខាធិការក្រសួង អបរំ យុវជន និងកីឡា និងជាអនុប្រធានសភាពសហព័ន្ធយុវជនកម្ពុជា និង លោកជំទាវ ក្នុងគោលបំណងផ្តល់ឱកាសឱ្យសិស្សានុ សិស្ស ចូលរួមសាកល្បងបញ្ចេញសមត្ថភាព ទេពកោសល្យ និងចំណេះដឹងដែលខ្លួនមាន ធ្វើការប្រកួតប្រជែង ដើម្បីបង្កើនសមត្ថភាព បង្កើនភាពក្លាហាន និងជំរុញឱ្យក្មួយៗសិស្សានុ សិស្ស រៀនភាសាអង់គ្លេស កាន់តែច្រើនថែមទៀត ដើម្បីឈានទៅពង្រឹងសមត្ថភាព និងជំនាញភាសាអង់គ្លេស លើការទំនាក់ទំនងជាសាធារណៈ ទាំងក្នុងតំបន់ និងពិភពលោក ព្រមទាំងជាឱកាសស្វែងរកការងារធ្វើនៅតាមស្ថាប័នរដ្ឋ ឬក្រុមហ៊ុនឯកជន និងសម្រាប់ជាប្រយោជន៍ផ្សេងទៀត ទៅថ្ងៃអនាគត ។

កម្មវិធី«វោហារឆ្នើម» បាត់ដំបង នឹងធ្វើការប្រកួតផ្តាច់ព្រ័ត្រ នៅថ្ងៃទី២៥ ខែកក្កដា ឆ្នាំ២០២១ ខាងមុខនេះ ។ ដូច្នេះសូមបេក្ខជន បេក្ខនារីទាំងអស់ ដែលបានជាប់នៅវគ្គពាក់កណ្តាលផ្តាច់ព្រ័ត្រនេះ បន្តខិតខំប្រឹងប្រែងសិក្សា ស្រាវជ្រាវ ហាត់សមបន្ថែមទៀត ដើម្បីឈានទៅទទួលជ័យលាភី នៅវគ្គផ្តាច់ព្រ័ត្រ ។ កម្មវិធី«វោហារឆ្នើម»គឺជាកម្មវិធីប្រកួតប្រជែងនិយាយភាសាអង់គ្លេសជាសាធារណៈ លក្ខណៈជាបុគ្គល និងជាក្រុម សម្រាប់សិស្សវិទ្យាល័យ ចាប់ពីថ្នាក់ទី១០ ដល់ទី១២ ៕

 (ប្រភព:រដ្ឋបាលខេត្តបាត់ដំបង)

(សូមអានបន្ត)

អាជ្ញាធរជាតិអប្សរា បន្តចែកចាយកូនឈើចម្រុះជាង ១ម៉ឺនដើមទៀត ដល់សាធារណជន ដើម្បីដាំដុះនៅតាមវត្ត និងទីតាំងរបស់ពួកគាត់ !

 

សៀមរាប៖ កូនឈើចម្រុះសរុបចំនួន ១០,៤៣៨ដើមទៀត ត្រូវបានអាជ្ញាធរជាតិអប្សរា បានចែកចាយដល់ព្រះសង្ឃ និងសាធារណជន ដើម្បីយកទៅដាំនៅតាមដីចម្ការ តាមផ្ទះ សាលារៀន និងវត្តអារាម។

លោក ជូ រ៉ាឌីណា អនុប្រធាននាយកដ្ឋាន គ្រប់គ្រងព្រៃឈើ ទេសភាព និងវប្បធម៌ នៃអាជ្ញាធរជាតិអប្សរា បានអោយដឹងតាមប្រព័ន្ធទូរស័ព្ទ នៅព្រឹកថ្ងៃទី១៧ ខែកក្កដា ឆ្នាំ២០២១នេះថា កូនឈើដែលចែកជូននេះ បានចាប់ពីថ្ងៃទី១ ដល់ថ្ងៃទី១៤ ខែកក្កដា រួមមានប្រគេនដល់ភិក្ខុ ទេវបណ្ឌិតតោ សន ស៊ាន ព្រះចៅអធិការវត្តប្រាសាទសែនជ័យ ហៅវត្តភ្នំព្រះទេវ: ចំនួន ៧៥០ដើម ដើម្បីយកទៅដាំតាមដងផ្លូវ និងក្នុងបរិវេណទីធ្លាវត្ត ស្ថិតក្នុងភូមិរវៀងតាទុំ ឃុំរំចេក ស្រុកបន្ទាយស្រី ខេត្តសៀមរាប។ ផ្ដល់ជូនលោក ម៉ៅ ហាត់ អាជីវករនៅក្រុងសៀមរាប ចំនួន ៣០០ដើម ដើម្បីយកទៅដាំនៅដីផ្ទាល់ខ្លួន ស្ថិតក្នុងភូមិខ្ទីង និងភូមិពាក់ស្នែងថ្មី ឃុំពាក់ស្នែង ស្រុកអង្គរធំ ខេត្តសៀមរាប។

 ផ្តល់កូនឈើជូនតំណាងនាយកដ្ឋានសណ្តាប់ធ្នាប់នៃអាជ្ញាធរជាតិអប្សរា ចំនួន៩០០ដើម ដើម្បីយកទៅដាំនៅបរិវេណដីអតីតទីបញ្ជាការយោធភូមិភាគទី៤ មុខប្រាសាទអង្គរវត្ត និងរមណីយដ្ឋានប្រាសាទបេងមាលា ផ្តល់កូនឈើជូនអ្នកស្រី សរ ធារី ប្រជាពលរដ្ឋរស់នៅខេត្តសៀមរាប ចំនួន ១០០ដើម ដើម្បីយកទៅដាំនៅបរិវេណសាលារៀន និងវត្តអារាម ក្នុងភូមិព្រៃខ្នុរ ឃុំស្រែណូយ ស្រុកវ៉ារិន ខេត្តសៀមរាប។ ផ្ដល់ជូនលោក ដឿម រ៉ង ប្រធានយុវជនប្រចាំឃុំអំពិល ចំនួន ៧៥០ដើម ដើម្បីយកទៅដាំលំអនៅតាមសាលារៀន សាលាឆទាន វត្តអារាម និងទីតាំងផ្សេងៗក្នុងឃុំអំពិល ស្រុកប្រាសាទបាគង ខេត្តសៀមរាប។ ផ្តល់ជូននាយកដ្ឋានគ្រប់គ្រងទឹកនៃអាជ្ញាធរជាតិអប្សរា ចំនួន១,១០០ដើម ដើម្បីយកទៅដាំនៅតាមខ្នងទំនប់ទំនប់បារាយណ៍ខាងលិចក្រោយពីជួសជុលរួច ។ ផ្តល់ជូនលោក ស្វាយ ហុង មេឃុំដូនកែវ ចំនួន១,៥០០ដើម ដើម្បីយកទៅដាំក្នុងបរិវេណសាលាឃុំដូនកែវ និងទីធ្លាវត្តនាមរូប ស្ថិតក្នុងស្រុកពួក ខេត្តសៀមរាប ។ ប្រគេនព្រះគ្រូពោធិសិរីវង្ស សុខ ពន្លឺ ព្រះចៅអធិការវត្តពោធិអង្គសិរីវ័នអូរវាយ ចំនួន ៥២៥ដើម ដើម្បីយកទៅដាំក្នុងបរិវេណបឋមសិក្សាអូរវាយ និងក្នុងទីធ្លាវត្ត ស្ថិតក្នុងភូមិអូរវាយ ឃុំស្ពឺ ស្រុកចំការលើ ខេត្តកំពង់ចាម។ ផ្តល់ជូនលោក ឈួន ឯម មេឃុំស្វាយចេក ចំនួន ៣៥០ដើម ដើម្បីយកទៅដាំលំអនៅទំនប់តាសេង ស្ថិតក្នុងឃុំស្វាយចេក ស្រុកអង្គរធំ ខេត្តសៀមរាប។ ផ្តល់ឈើជូនលោក រ័ត្ន ភារម្យ មន្ត្រីរាជការនៅខេត្តសៀមរាប ចំនួន ៦០ដើម ដើម្បីយកទៅដាំនៅខេត្តឧត្តរមានជ័យ។ ផ្តល់ជូនលោក ធិ ណារ៉េន តំណាងធនាគារជាតិ នៃកម្ពុជាសាខាខេត្តសៀមរាប ចំនួន២,០០០ដើម ដើម្បីយកទៅដាំនៅស្រុកសន្ទុក ខេត្តកំពង់ធំ និងនៅលើដីទំនេររបស់ធនាគារជាតិ ស្ថិតនៅភ្នំរាប ខេត្តកណ្តាល។

 ផ្តល់ជូនលោក ស៊ន់ កាន់ ប្រជាពលរដ្ឋរស់នៅខេត្តសៀមរាប ចំនួន ៥០០ដើម ដើម្បីយកទៅដាំតាមជើងភ្នំគូលែន ស្ថិតក្នុងភូមិថ្មជល់ ឃុំត្បែង ស្រុកបន្ទាយស្រី ខេត្តសៀមរាប។ ជូនលោក ស៊ុន រ៉ាពីដ បំរើការងារនៅក្រសួងប្រៃសណីយ៍ និងទូរគមនាគមន៍ ចំនួន ៥០០ដើម ដើម្បីយកទៅដាំនៅលើដីទំនេរផ្ទាល់ខ្លួន ស្ថិតក្នុងប្រជៀវបាត ឃុំទំព័រមាស ស្រុកសំរោងទង ខេត្តកំពង់ស្ពឺ។ ផ្តល់កូនឈើជូនលោក ប៉ាន់ ប៉ូច តំណាងរដ្ឋបាលឃុំសំរាងយា ចំនួន ៨០០ដើម ដើម្បីយកទៅដាំតាមវត្តអារាម សាលារៀន និងដាំការពារដីសហគមន៍ ស្ថិតក្នុងភូមិតាជេត ឃុំសំរោងយា ស្រុកពួក ខេត្តសៀមរាប។ ផ្តល់កូនឈើជូនលោក សុស ប្រាហ៊ីម បុគ្គលិកក្រុមហ៊ុនឯកជន ចំនួន ៣០០ដើម ដើម្បីយកទៅដាំនៅលើដីទំនេរផ្ទាល់ខ្លួន ស្ថិតនៅភូមិច្រករមៀត ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង។ លោកជូ រ៉ាឌីណា បានបន្ដថា ប្រភេទកូនឈើទាំងនោះរួមមាន គ្រញូង ធ្នង់ បេង ច្រេស កកោះ មៀន រំដួល ក្ងោក ចាមរី ផ្ញៀវ ត្របែកព្រៃ សូដាម ថ្កូវ ត្រចៀកដំរី ខ្នារ។ លោក ជូ រ៉ាឌីណា លើកឡើងថា សាធារណ:ដែលយកកូនឈើដាំភាគច្រើនអ្នកនៅខេត្ដឆ្ងាយ ដូចជាខេត្ដកណ្ដាល កំពង់ចាម រាជធានីភ្នំពេញ ដោយពួកគាត់យកទៅដាំលើដីផ្ទាល់ខ្លួន។

សូមជម្រាបថា កន្លងមកឧត្ដម ហង់ ពៅ អគ្គនាយកអាជ្ញាធរជាតិអប្សរា មានប្រសាសន៍ថា ស្ថាប័ននេះ បានត្រៀមកូនឈើ២០ម៉ឺនដើម ដើម្បីទុកចែកជូនដល់ប្រជាពលរដ្ឋ ព្រះសង្ឃ សាធារណជន ក៏ដូចជាស្ថាប័នកងកម្លាំងប្រដាប់អាវុធ អាជ្ញាធរពាក់ព័ន្ធ ដើម្បីយកទៅដាំបំពេញបន្ថែមនៅកន្លែងដែលខ្លួនចង់ដាំនៅតំបន់ព្រៃឈើ ដែលរិចរិល ខណ: ដែលកូនឈើរាប់ម៉ឺនដើមទៀតសម្រាប់ដំាបំពេញបន្ថែមនៅក្នុងរមណីយដ្ឋានអង្គរ។ ការដាំកូនឈើចម្រុះនាពេលនេះ ក៏ជាការជួយលើកតម្កើងនូវទេសភាពវប្បធម៌ និងបង្កើនបរិយាកាសបរិស្ថាននៅក្នុតំបន់ប្រាសាទបុរាណផងដែរ។ ឯកឧមត្ដម ក៏បានអំពាវដល់ប្រជាពលរដ្ឋ ក៏ដូចជាអាជ្ញាធរមានសមត្ថកិច្ចចូរដាំ និងជួយការពារព្រៃឈើអោយបានគង់វង្ស ព្រោះព្រៃឈើជាអាយុជីវិតរបស់មនុស្សជាតិ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ ​ធូ កុសល

(សូមអានបន្ត)

ព្រះករុណា ព្រះមហាក្សត្រ និងសម្តេចម៉ែ យាងបំពេញព្រះរាជកុសល ក្នុងព្រះរាជពិធីសិតទៀនព្រះវស្សាព្រះរាជទ្រព្យ នៅក្នុងព្រះបរមរាជវាំង

 

ភ្នំពេញ: ថ្ងៃទី១៧ ខែកក្កដា ឆ្នាំ២០២១  ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះអង្គទាំងទ្វេសព្វព្រះរាជហឫទ័យស្តេចយាងបំពេញព្រះរាជកុសល ក្នុងព្រះរាជពិធីសិតទៀនព្រះវស្សាព្រះរាជទ្រព្យ នៅក្នុងព្រះបរមរាជវាំង នាវេលាព្រឹកថ្ងៃទី១៧ ខែកក្កដា ឆ្នាំ២០២១។

រូបថត ៖ ទទក

(សូមអានបន្ត)

ឯកឧត្ដម ហ៊ុន ម៉ាណែត អញ្ជើញពិនិត្យទីតាំងដើម្បីរៀបចំជាមណ្ឌលព្យាបាលជំងឺកូវីដ-១៩ នៅខេត្ដឧត្ដរមានជ័យ

 

 ឧត្តរមានជ័យ: ថ្ងៃទី១៦ ខែកក្កដា ឆ្នាំ២០២១ ឯកឧត្តម ឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ​កង​ទ័ពជើងគោកបានអញ្ជើញពិនិត្យទីតាំងដើម្បីរៀបចំជាមណ្ឌលព្យាបាល​ជំងឺកូវីដ-១៩ កម្រិត​ស្រាល និងមន្ទីរពេទ្យព្យាបាលកម្រិតធ្ងន់ សម្រាប់បងប្អូនប្រជាពលរដ្ឋ​ដែលវិល​ត្រឡប់​មកពីប្រទេសថៃ នៅក្នុងខេត្ដឧត្ដរមានជ័យ។ ការចុះពិនិត្យនេះ បានធ្វើឡើង កាលពីថ្ងៃព្រហស្បតិ៍ ៦កើត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី ១៥ ខែកក្កដា ឆ្នាំ២០២១ ។

ឯកឧត្តម ឧត្ដមសេនីយ៍ឯក ហ៊ុន ម៉ាណែត បានមានប្រសាសន៍ថា  ដោយសារមួយ​រយៈ​កន្លងមកនេះ អាជ្ញាធរខេត្តឧត្តរមានជ័យ បានរកឃើញពលករដែលមកពីប្រទេសថៃ​មាន​ផ្ទុកជំងឺកូវីដ-១៩ ជាច្រើននាក់គួរឱ្យព្រួយបារម្ភ ម្យ៉ាងទៀតទីតាំងមួយចំនួនក៏មានការ​ពេញ​ផងដែរ។ ឯកឧត្តមបានថ្លែងកោតសរសើរដល់អាជ្ញាធរខេត្តឧត្តរមានជ័យ កងកម្លាំងប្រដាប់​អាវុធគ្រប់ប្រភេទ និងមន្ត្រីសុខាភិបាលខេត្ត ដែលមួយរយៈនេះ បានខិតខំប្រឹងប្រែងយកអស់​កម្លាំងកាយចិត្តអនុវត្តន៍នូវបទបញ្ជារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជា​ណា​ចក្រកម្ពុជា ក្នុងការទប់ស្កាត់ការឆ្លងរីករាលដាលនៃជំងឺកូវីដ-១៩ បានយ៉ាងល្អប្រសើរ ពិសេសលើការគ្រប់គ្រងមើលថែពលករដែលវិលត្រឡប់មកពីប្រទេសថៃបានយ៉ាងល្អ។

សូមបញ្ជាក់ថា នៅខេត្តឧត្តរមានជ័យ គិតត្រឹមថ្ងៃទី១៤ ខែកក្កដា ឆ្នាំ២០២១ បានរក​ឃើញ​ជំងឺកូវីដ-១៩ ចំនួន ២ ២២២ នាក់ ក្នុងនោះករណីនាំចូលពីក្រៅប្រទេស ចំនួន ២ ០៦០ នាក់ ករណីឆ្លងក្នុងសហគមន៍ ចំនួន១៦២នាក់ បានព្យាបាលជាសះស្បើយ ចំនួន៤៨៩នាក់ និងកំពុងសម្រាកព្យាបាល ចំនួន ១ ៧២៩ នាក់ និងស្លាប់ចំនួន០៤នាក់៕ ដោយ ទិត ស្រ៊

(សូមអានបន្ត)

អាស៊ាន និងសហរដ្ឋអាមេរិកព្រមព្រៀងគ្នាជំរុញកិច្ចពិគ្រោះយោបល់ កិច្ចសន្ទនា និងកិច្ចសហប្រតិបត្តិការ

 ភ្នំពេញ:ថ្ងៃទី ១៥ ខែកក្កដា ឆ្នាំ ២០២១ រដ្ឋមន្ត្រីការបរទេសវៀ
តណាម លោក Bui Thanh Son បានចូលរួមក្នុងកិច្ចប្រជុំពិសេសថ្នាក់រដ្ឋមន្ត្រីការបរទេសរវាងអាស៊ាន និងសហរដ្ឋអាមេរិក ដែលបានធ្វើឡើងជាទម្រង់និម្មិតកាលពីថ្ងៃទី ១៤ ខែកក្កដា ក្រោមការដឹកនាំដោយសហប្រធានរបស់រដ្ឋមន្ត្រីការបរទេសឡាវ លោក Saleumsay Kommasith និងរដ្ឋមន្រ្តីការបរទេសសហរដ្ឋអាមេរិក លោក Antony Blinken ។

អាស៊ាន និងសហរដ្ឋអាមេរិកបានបញ្ជាក់ថា ពួកគេបានយកចិត្តទុកដាក់ និងសន្យាលើកកម្ពស់ភាពជាដៃគូទ្វេភាគី ជាពិសេសនៅពេលដែលមានបញ្ហាប្រឈមធ្ងន់ធ្ងរប៉ះពាល់ដល់ជីវិតរបស់មនុស្ស ការអភិវឌ្ឍ សន្តិសុខ និងស្ថេរភាពរបស់បណ្តាប្រទេសនៅក្នុងតំបន់។

បណ្តាប្រទេសនៅអាស៊ានបានបញ្ជាក់នូវសារនេះជាថ្មីដល់រដ្ឋបាលថ្មីរបស់សហរដ្ឋអាមេរិក ដែលកំពុងធ្វើការប្តេជ្ញាចិត្តយូរអង្វែងនៅក្នុងតំបន់ ដោយប្រកាន់ខ្ជាប់នូវពហុភាគីនិយម និងច្បាប់អន្តរជាតិ ដោយខិតខំប្រឹងប្រែងដើម្បីទប់ស្កាត់ការផ្ទុះឡើងនៃជំងឺ លើកកម្ពស់ការស្តារឡើងវិញ និងឆ្លើយតបទៅនឹងការបម្រែបម្រួលអាកាសធាតុ។

ពួកគេបានស្វាគមន៍ចំពោះការគាំទ្រជាបន្តរបស់សហរដ្ឋអាមេរិកចំពោះចំណុចកណ្តាលរបស់ប្លុកនេះក្នុងការរក្សាកិច្ចសន្ទនា ការពង្រឹងកិច្ចសហប្រតិបត្តិការ និងចូលរួមក្នុងកិច្ចខិតខំប្រឹងប្រែងដើម្បីកសាងស្ថាបត្យកម្មក្នុងតំបន់ដែលមានការបើកចំហ រួមបញ្ចូលគ្នា និងផ្អែកទៅលើច្បាប់ ព្រមទាំងដើម្បីដោះស្រាយបញ្ហាប្រឈមប្រកបដោយប្រសិទ្ធភាព។

លោក Blinken បានសង្កត់ធ្ងន់ទៅលើការប្តេជ្ញាចិត្តរបស់រដ្ឋបាលលោក បៃដិន ចំពោះពហុភាគីនិយមដោយបានបញ្ជាក់ថា សហរដ្ឋអាមេរិកតែងតែយកចិត្តទុកដាក់ចំពោះទំនាក់ទំនងរបស់ខ្លួនជាមួយអាស៊ាន គាំទ្រដល់ចំណុចកណ្តាលរបស់ប្លុកនេះ ហើយនឹងយកចិត្តទុកដាក់លើកកម្ពស់ភាពជាដៃគូយុទ្ធសាស្ត្រប្រកបដោយថាមពល និងប្រសិទ្ធភាពជាមួយអាស៊ាន ដោយឈរលើមូលដ្ឋាននៃការគោរពគ្នាទៅវិញទៅមក និងផ្តល់ផលប្រយោជន៍ទៅវិញទៅមក។

លោកក៏បានស្នើនូវការតម្រង់ទិសមួយចំនួនសម្រាប់កិច្ចសហប្រតិបត្តិការរវាងអាស៊ាន - សហរដ្ឋអាមេរិកក្នុងវិស័យនានា ដូចជាវិស័យថាមពល ការដឹកជញ្ជូន ការផ្តល់អំណាចដល់ស្ត្រី បរិស្ថាន និងការឆ្លើយតបនឹងការប្រែប្រួលអាកាសធាតុផងដែរ ដោយផ្អែកទៅលើការខិតខំប្រឹងប្រែងស្តារឡើងវិញ និងប្រកបដោយនិរន្តរភាពនៅទូទាំងតំបន់៕ (ប្រភព VNA បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល

(សូមអានបន្ត)

ឯកឧត្តម ជាវ តាយ អញ្ជើញទទួលអំណោយសប្បុរសធម៌ពីប្រធានសមាគម ស្បែកជើងកម្ពុជា

 

កំពត: ថ្ងៃទី១៥ ខែកក្កដា ឆ្នាំ២០២១ ឯកឧត្តម ជាវ តាយ អភិបាល នៃគណៈ អភិបាលខេត្តកំពត អញ្ជើញទទួលអំណោយសប្បុរសធម៌ពីឧកញ៉ា លី ឃុនថៃ ប្រធានសមាគមស្បែកជើងកម្ពុជារួមមាន៖ អាវពេទ្យ(PPE) ២០០០ឈុត, ម៉ាស១ម៉ឺនបន្ទះ, ថ្នាំ បូរាណចិន ៤០០ប្រអប់ ដើម្បីចូលរួមក្នុងការងារមនុស្សធម៌ ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩ នាថ្ងៃទី១៤ ខែកក្កដា ឆ្នាំ២០២១នៅរដ្ឋបាលខេត្ត។

(សូមអានបន្ត)

ក្រសួងសាធារណការ និងដឹកជញ្ជូន រៀបចំសន្និសីទឧត្តមមន្រ្តីដឹកជញ្ជូនអាស៊ាន-ជប៉ុន លើកទី១៩ តាមរយៈប្រព័ន្ធវីដេអូពីចម្ងាយ

ភ្នំពេញ: ថ្ងៃទី១៤ ខែកក្កដា ឆ្នាំ២០២១ ឯកឧត្តម ឈៀង ពេជ្រ អគ្គនាយកនៃអគ្គនាយកដ្ឋានភស្តុភារកម្ម និងជាប្រធានឧត្តមមន្ត្រីដឹកជញ្ជូនកម្ពុជា (STOM) បានអញ្ជើញធ្វើជាសហប្រធានជាមួយសមភាគីជប៉ុន ដឹកនាំសន្និសីទឧត្តមមន្រ្តីដឹកជញ្ជូនអាស៊ាន-ជប៉ុន លើកទី១៩ នៅថ្ងៃ៤កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃអង្គារ ទី១៣ ខែកក្កដា ឆ្នាំ២០២១ តាមប្រព័ន្ធវីដេអូពីចម្ងាយ។

សន្និសីទនេះ មានការចូលរួមពីសំណាក់ថ្នាក់ដឹកនាំ ឧត្តមមន្រ្តីដឹកជញ្ជូន (STOM Leaders) របស់បណ្តាប្រទេសអាស៊ានទាំងអស់ ថ្នាក់ដឹកនាំ ឧត្តមមន្រ្តីដឹកជញ្ជូនរបស់ជប៉ុន និងលេខាធិការដ្ឋានអាស៊ាន។ ដោយឡែកអ្នកចូលរួមពីប្រទេសកម្ពុជា រួមមាន៖ អង្គភាពពាក់ព័ន្ធទាំងអស់ក្រោមឱវាទក្រសួងសាធារណការ និងដឹកជញ្ជូន និងរដ្ឋលេខាធិការដ្ឋានអាកាសចរស៊ីវិលកម្ពុជា។

គួរឱ្យដឹងផងដែរថា សន្និសីទឧត្តមមន្រ្តីដឹកជញ្ជូន អាស៊ាន-ជប៉ុន លើកទី១៩ គឺជាកិច្ចប្រជុំប្រចាំឆ្នាំដែលស្នើឡើងដោយភាគីជប៉ុន ក្នុងគោលបំណងសំខាន់ គឺដើម្បី (១) ពិនិត្យមើលវឌ្ឍនភាពនៃការអនុវត្តផែនការសកម្មភាព នៃភាពជាដៃគូក្នុងវិស័យដឹកជញ្ជូន រវាងអាស៊ាន-ជប៉ុន AJTP (ASEAN-Japan Transport Partnership Work Plan 2020-2021) ។ (២) ការលើកទិសដៅ និងផែនការសកម្មភាពសម្រាប់អនុវត្តន៍ក្នុងឆមាសទី២ ឆ្នាំ២០២១ និងត្រីមាសទី១ ឆ្នាំ២០២២ ហើយផែនការសកម្មភាពទាំងនេះ នឹងដាក់ឆ្លងសុំការអនុម័តជាផ្លូវការពីកិច្ចប្រជុំថ្នាក់រដ្ឋមន្រ្តីដឹកជញ្ជូនអាស៊ាន លើកទី១៩ (19th ATM-Japan) ដែលប្រទេសកម្ពុជាធ្វើជាប្រធាននៅដើមខែវិច្ឆិកា ឆ្នាំ២០២១ ខាងមុខនេះ។

នៅក្នុងសន្និសីទនេះដែរ បានពិនិត្យទៅលើការងារសំខាន់ៗចំនួន៣ ដែលបានស្នើឡើងដោយប្រទេសជប៉ុន គឺ (១) របាយការណ៍ទស្សនទានដែលបញ្ជាក់អំពីដំណោះស្រាយតាមវិធីសាស្រ្តព័ត៌មានវិទ្យា ដើម្បីគ្រប់គ្រងយានយន្តលើសទម្ងន់ (the Report under Proof of Concept on ICT Solution for Overloaded Vehicle Control) ។ (២) គោលការណ៍ណែនាំស្តីពីការចេញនូវវិញ្ញាបនបត្រសវនកម្មសម្រាប់ខ្សែច្រវាក់ភស្តុភារកម្មត្រជាក់ ក្នុងក្របខ័ណ្ឌអាស៊ាន -ជប៉ុន (ASEAN-Japan Guidelines of Certifications Audits for Cold Chain Logistics) ។ (៣) ការប្រើប្រាស់ទិន្នន័យធំសម្រាប់កែលម្អនូវការបន្លាស់ទី (Utilization of Big Data to Improve Mobility)។

ក្រោយពីបានពិនិត្យពិភាក្សាគ្នាយ៉ាងលម្អិត ដោយយល់ថា ការងារសំខាន់ៗទាំង៣ ខាងលើនេះ នឹងរួមចំណែកក្នុងការធ្វើឱ្យប្រសើរឡើង និងបង្កើនប្រសិទ្ធភាពក្នុងវិស័យដឹកជញ្ជូន និងភស្តុភារកម្ម ។ ជាលទ្ធផល អង្គសន្និសីទបានឯកភាពជាគោលការណ៍ឱ្យមានការសិក្សាគ្រប់ជ្រុងជ្រោយបន្ថែមទៀតលើការងារធំៗ ទាំង៣ខាងលើ ហើយលទ្ធផលនៃការសិក្សានេះនឹងត្រូវដាក់ឆ្លងកិច្ចប្រជុំឧត្តមមន្រ្តីដឹកជញ្ជូនអាស៊ាន-ជប៉ុន លើកទី២០ និងកិច្ចប្រជុំថ្នាក់រដ្ឋមន្រ្តីដឹកជញ្ជូនអាស៊ាន លើកទី១៩ ដែលកម្ពុជាធ្វើជាប្រធានទាំងពីរកិច្ចប្រជុំនៅដើមខែវិច្ឆិកា ឆ្នាំ២០២១ ខាងមុខនេះ៕

(សូមអានបន្ត)

ឯកឧត្តម ឃួង ស្រេង ៖ រដ្ឋបាលរាជធានីភ្នំពេញកំពុងរៀបចំកន្លែងបញ្ចុះ ឬបូជាសព ដោយជំងឺកូវីដ-១៩ មិនមានហានិភ័យ ទៅតាមការណែនាំរបស់ក្រសួងសុខាភិបាល

 

 ភ្នំពេញ: ថ្ងៃទី១៣ ខែកក្កដា ឆ្នាំ២០២១ ដើម្បីឱ្យមានសុវត្ថិភាពក្នុងការគ្រប់គ្រង និងការចាត់ចែងសាកសពដែលមានផ្ទុកវីរុសកូវីដ-១៩ យោងទៅតាមគោលការណ៍ណែនាំរបស់ក្រសួងសុខាភិបាល អភិបាលរាជធានីភ្នំពេញ ឯកឧត្តម ឃួង ស្រេង នាល្ងាចថ្ងៃ៣កើត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃចន្ទ ទី១២ កក្កដា ឆ្នាំ២០២១ បានបើកកិច្ចប្រជុំមួយតាមរយៈ Video Conference មួយជាមួយអាជ្ញាធរខណ្ឌទាំង១៤ និងមន្ទីរសុខាភិបាល ដើម្បីធ្វើយ៉ាងណាអនុវត្តន៍ទៅតាមការណែនាំនេះ ឱ្យទទួលបានជោគជ័យ និងមិនមានហានិភ័យពីការឆ្លងដោយជំងឺកូវីដ-១៩។ ឯកឧត្តម ឃួង ស្រេង បានមានប្រសាសន៍ថា ការបង្កើតឡើងឱ្យមានកិច្ចប្រជុំនេះ គឺក្នុងគោលបំណងអនុវត្តន៍ឱ្យចំទិសដៅទៅតាមការណែនាំ ដោយសារតែយើងជាអ្នកអនុវត្តន៍ផ្ទាល់ទៅលើការងារទាំងនេះ ។

ឯកឧត្តម បន្តថា ក្នុងនាមអាជ្ញាធរយើងត្រូវមើលពីសារៈសំខាន់ទាំងអស់គ្នា លើកទឹកចិត្តគ្នា មានបញ្ហាយើងរួមគ្នាដោះស្រាយ ។ កន្លងមកនេះអាជ្ញាធររបស់យើងអនុវត្តន៍បានល្អ ។ សពជាង ៧០០នាក់ហើយយើងធ្វើបានល្អ មិនមានបញ្ហាឆ្លងដោយជំងឺកូវីដ-១៩ ។ នេះជាមោទនភាពរបស់ក្រុមការងារគ្រូពេទ្យរបស់យើង ដែលអនុវត្តន៍បានល្អលើវិធានការក្រសួងសុខាភិបាល ទាំងការវេចខ្ចប់សព និងការការពារខ្លួន ដោយគិតមកដល់ពេលនេះមានសពដែលស្លាប់ដោយកូវីដ-១៩ ចំនួន ៧១១នាក់ហើយ ដែលក្រុមការងារយើងបានចាត់ចែងវេចខ្ចប់ បានល្អនិងទទួលបានជោគជ័យមិនមានហានិភ័យ។ ប៉ុន្តែទោះបីជាយ៉ាងណាក្តី ឯកឧត្តម ក៏បានជំរុញឱ្យមន្ត្រីរបស់យើង ធ្វើការបញ្ជាក់ឱ្យបានលម្អិតបន្ថែមទៀតទៅលើសេចក្តីណែនាំនេះ ទាំងការជុំវិញការបញ្ចុះ ឬបូជាសាកសព ។ ការលើកសពដាក់ក្នុងក្ដារមឈូស ដែលមានតម្លៃថ្លៃ អាចប្រើមនុស្សមិនតិចជាង៦នាក់នោះទេ យើងគួរឱ្យពួកគាត់ស្លៀកសំលៀកបំពាក់ PPE ឬយ៉ាងណា ព្រោះការបំពាក់សំលៀកបំពាក់ PPE ពិតជាទទួលបានជោគជ័យ មិនមានហានិភ័យពីការឆ្លងជំងឺកូវីដ-១៩នោះទេ តាមរយៈបទពិសោធន៍កន្លងមកនេះ។

សូមបញ្ជាក់ថា កាលពីថ្ងៃអាទិត្យ ទី១១ ខែកក្កដា ឆ្នាំ២០២១ រដ្ឋមន្ត្រីក្រសួងសុខាភិបាលនិងជាប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ បានចេញសេចក្តីអប់រំណែនាំបន្ថែមអំពីសុវត្ថិភាពក្នុងការគ្រប់គ្រង និងការចាត់ចែងសាកសព ដែលមានផ្ទុកវីរុសកូវីដ-១៩ ។ ការចាត់ចែងសាកសព ដែលមានផ្ទុកវីរុសកូវីដ-១៩នេះ គឺក្នុងគោលបំណងរក្សាសុវត្ថិភាព សេចក្ដីថ្លៃថ្នូរ បង្ការ និងទប់ស្កាត់ការចម្លងវីរុសកូវីដ-១៩ និងកាត់បន្ថយហានិភ័យសុខភាពសាធារណៈ។

១-វីរុសកូវីដ-១៩ ឆ្លងពីមនុស្សម្នាក់ទៅមនុស្សម្នាក់តាមរយៈតំណក់ទឹកតូចៗដែលចេញពីអ្នកជំងឺកូវីដ-១៩ តាមរយៈការនិយាយទល់មុខជិតគ្នា ក្អក កណ្តាស និងការប៉ះពាល់ផ្ទៃ ឬវត្ថុផ្សេងៗដែលមានមេរោគ។ គ្រប់សាកសពអ្នកជំងឺកូវីដ-១៩ ពុំត្រូវបានអនុញ្ញាតឱ្យធ្វើកោសល្យវិច័យ ឬវះកាត់ពិនិត្យសាកសពឡើយ។ សាកសពត្រូវបានរៀបចំដោយក្រណាត់រួចដាក់ក្នុងថង់ប្លាស្ទិកបិទជិតយ៉ាងត្រឹមត្រូវ ដោយបុគ្គលិកក្នុងមន្ទីរពេទ្យ ហើយសាកសពខ្លះត្រូវបានដាក់បង្កករក្សាទុក មុនពេលដាក់ទៅក្នុងមឈូសមុនយកទៅបូជា ឬបញ្ចុះ។ ដូច្នេះឱកាស នៃការចម្លងវីរុសកូវីដ-១៩ ពុំអាចកើតមានឡើយ ប្រសិនបើពុំមានការរុះរើ ឬបើកថង់រុំសាកសពនោះ។

២-ការបូជា ឬបញ្ចុះសាកសព ដែលអនុវត្តន៍តាមគោលការណ៍ណែនាំត្រឹមត្រូវ អាចចៀសវាងបានពីការចម្លងវីរុសកូវីដ-១៩។ ដើម្បីសុវត្ថិភាព អ្នករៀបចំ និងអ្នកដឹកជញ្ជូនសាក សព អ្នកលើកសាកសពដាក់ចូលក្នុងមឈូស និងលើក មឈូសដាក់លើទីតាំងបូជា ត្រូវពាក់ឧបករណ៍ការពារខ្លួន (PPE) ឱ្យបានត្រឹមត្រូវ ដូចជាពាក់ម៉ាសពេទ្យ អាវអៀមការពារខ្លួន និងស្រោមដៃ។ នៅពេលរៀបចំរួចរាល់ ត្រូវដោះឧបករណ៍ការពារខ្លួនដែលប្រើរួចឱ្យបានត្រឹមត្រូវ ហើយលាងសម្អាតដៃជាមួយអាល់កុល ជែល ឬសាប៊ូនឹងទឹកស្អាតភ្លាមៗ។

និង៣-ចំពោះការបញ្ចុះសាកសព អ្នកសែងមឈូសយកទៅបញ្ចុះ ត្រូវមានចំនួនពី៤ ទៅ ៦នាក់ និងត្រូវពាក់សម្ភារការពារ (PPE) ត្រឹមត្រូវ។ ចំពោះសមាជិកគ្រួសារ ឬអ្នកចូលរួម ត្រូវពាក់ម៉ាសការពារឱ្យបានត្រឹមត្រូវ និងត្រូវកំណត់ចំនួនមិនឱ្យលើសពី ១០នាក់ ព្រមទាំងត្រូវរក្សាគម្លាតរវាងអ្នកចូលរួមចម្ងាយ ១,៥ម៉ែត្រ ពីគ្នា និងចម្ងាយ ៣ម៉ែត្រ ពីសាកសព។ លើសពីនេះ មិនអនុញ្ញាតឱ្យមានការហែក្បួនឡើយ ៕

ដោយសួស សំរិត, សម្រួលផ្សាយ៖ ksn-tvonline

(សូមអានបន្ត)

អភិបាលខេត្តកំពង់ធំ អញ្ជើញដឹកនាំកិច្ចប្រជុំត្រួតពិនិត្យ និងពង្រឹងការអនុវត្តគម្រោង សាងសង់ប្រព័ន្ធបង្ហូរ ទឹកភ្លៀង និងទឹកកខ្វក់ ក្នុងក្រុងស្ទឹងសែន

 

 កំពង់ធំ : ថ្ងៃទី០៨ ខែកក្កដា ឆ្នាំ២០២១  ឯកឧត្តម សុខ លូ អភិលបាល នៃគណៈអភិបាលខេត្តកំពង់ធំ អញ្ជើញដឹកនាំកិច្ចប្រជុំត្រួតពិនិត្យ និងពង្រឹងការអនុវត្តគម្រោងសាងសង់ប្រព័ន្ធបង្ហូរទឹកភ្លៀង និងទឹកកខ្វក់ ក្នុងក្រុងស្ទឹងសែន នាថ្ងៃទី០៧ ខែកក្តដា ឆ្នាំ២០២១ នៅសាលាខេត្ត ។

(សូមអានបន្ត)