សម្តេចបវរធិបតី  ហ៊ុន  ម៉ាណែត  នាយករដ្ឋមន្ត្រីនៃកម្ពុជា បានចេញអនុក្រឹត្យសម្រេចផ្ទេរភារកិច្ចអភិបាលស្រុក និងក្រុង នៅក្នុងខេត្តកណ្តាលចំនួន ៥រូប។ បើយោងតាមអនុក្រឹត្យដែលបណ្តាញព័ត៌មានទទួលបាននៅថ្ងៃទី២២ ខែកញ្ញា ឆ្នាំ២០២៦នេះ។ អនុក្រឹត្យរបស់សម្តេចបវរធិបតី ហ៊ុន ម៉ាណែត បានសម្រេច ផ្ទេរភារកិច្ចអភិបាលស្រុកក្រុងចំនួន ៥រូប នៅខេត្តកណ្តាល មានដូចខាងក្រោម

១/លោក ថន សុខណ្ណា ឋានន្តរសក្កិឧត្តមមន្ត្រីថ្នាក់លេខ២ ពីអភិបាលនៃគណៈអភិបាលស្រុកពញាឮ ឱ្យកាន់មុខតំណែងជាអភិបាលនៃគណៈអភិបាលស្រុកលើកដែក។

២/លោក ឃឹម សំភារ ឋានន្តរសក្ដិឧត្តមមន្ត្រីថ្នាក់លេខ៣ ពីអភិបាលនៃគណៈអភិបាលក្រុងតាខ្មៅ ឱ្យកាន់មុខតំណែងជាអភិបាលនៃគណៈអភិបាលស្រុកល្វាឯម។

៣/លោក ចាប ច័ន្ទវិទ្យា ឋានន្តរសក្ដិឧត្តមមន្ត្រីថ្នាក់លេខ៤ ពីអភិបាលនៃគណៈអភិបាលស្រុកលើកដែក ឱ្យកាន់មុខតំណែងជាអភិបាលនៃគណៈអភិបាលស្រុកកណ្តាលស្ទឹង។

៤/លោក អ៊ូច សៅវឿន ឋានន្តរសក្ដិឧត្តមមន្ត្រីថ្នាក់លេខ៥ ពីអភិបាលនៃគណៈអភិបាលស្រុកកណ្តាលស្ទឹង ឱ្យកាន់មុខតំណែងជាអភិបាលនៃគណៈអភិបាលស្រុកពញាឮុ។

៥/លោក លីវ វណ្ណថេង ឋានន្តរសក្ដិឧត្តមមន្ត្រីថ្នាក់លេខ៥ ពីអភិបាលនៃគណៈអភិបាលស្រុកល្វាឯម ឱ្យកាន់មុខតំណែងជាអភិបាលនៃគណៈអភិបាលក្រុងតាខ្មៅ។

(សូមអានបន្ត)

 វេទិកាពិភាក្សាទី៣ ក្រោមប្រធានបទ៖ កិច្ចខិតខំប្រឹងប្រែងរបស់បណ្តាប្រទេសក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា៖ វឌ្ឍនភាព បញ្ហាប្រឈម និងទិសដៅខាងមុខ

(រាជធានីភ្នំពេញ)

ចេញផ្សាយ ថ្ងៃព្រហស្បតិ៍ ១៣កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនិងថ្ងៃទី២៤ ខែកញ្ញា ឆ្នាំ ២០២៦នេះវេទិកាពិភាក្សាទី៣ ក្រោមប្រធានបទ កិច្ចខិតខំប្រឹងប្រែងរបស់បណ្តាប្រទេសក្នុងការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា វឌ្ឍនភាព បញ្ហាប្រឈម និងទិសដៅខាងមុខ នៃសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ICCOS) ដោយមានការអញ្ជើញថ្លែងសុន្ទរកថា ដោយថ្នាក់ដឹកនាំជាតិ និងអន្តរជាតិ ព្រមទាំងមានវាគ្មិន៩រូប មកពីអង្គការ និងស្ថាប័ននានា ចូលរួមជជែកពិភាក្សា ដោយមានលោកបណ្ឌិត ឈាង វណ្ណារិទ្ធ ប្រធានស្ថាបនិកនៃឧទ្យានវានុវត្តន៍សង្គមអង្គរ ជាអ្នកសម្របសម្រួល។

(សូមអានបន្ត)

 នៅព្រឹកថ្ងៃចន្ទ ១០កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែកញ្ញា ឆ្នាំ២០២៦

ដោយអនុវត្តតាមបទបញ្ជាដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល បានដឹកនាំ លោក-លោស្រីស្នងការរង លោក-លោកស្រីនាយ-នាយរងការិយាល័យ និងមន្ត្រីនគរបាល នៃស្នងការដ្ឋាននគរបាលខេត្តកណ្តាល គោរពទង់ជាតិ នៃព្រះរាជាណាចក្រកម្ពុជា នៅបរិវេណស្នងការដ្ឋាន។

ក្នុងឱកាសនេះ លោកឧត្តមសេនីយ៍ទោស្នងការ បានថ្លែងអំណរគុណដល់កងកម្លាំងនគរបាលយើងទាំងអស់បានខិតខំបំពេញការងារជំនាញប្រចាំថ្ងៃ រួមទាំងកិច្ចការពារសន្តិសុខ សណ្តាប់ធ្នាប់តាមដងផ្លូវក្នុងក្រុងតាខ្មៅ ជូនថ្នាក់ដឹកនាំបានល្អប្រសើរ។
ជាមួយគ្នានេះដែរ លោកឧត្តសេនីយ៍ទោស្នងការ បានមានប្រសាសន៍ណែនាំបន្ថែមដល់កងកម្លាំងទាំងអស់ដូចខាងក្រោម៖
-ត្រូវប្រមូលផ្តុំនៅកន្លែងរង់ចាំទទួលបទបញ្ជា និងធ្វើការគ្រប់គ្រងវត្តមានឱ្យបានត្រឹមត្រូវច្បាស់លាស់
-កម្លាំងនគរបាលចរាចរណ៍ត្រូវបន្តអនុវត្តការងាររឹតបន្តឹងការអនុវត្តច្បាប់ចរាចរណ៍ ប្រកបដោយអាកប្បកិរិយាទន់ភ្លន់ ប៉ុន្តែហ្មត់ចត់ និងសីលធម៌ វិជ្ជាជីវៈ
-កម្លាំងនគរបាលសណ្តាប់ធ្នាប់ ត្រូវសហការជាមួយក្រុមការងារខេត្ត និងអាជ្ញាធរមូលដ្ឋាន ក្នុងការរៀបចំសណ្តាប់ធ្នាប់តាមដងផ្លូវក្នុងក្រុងតាខ្មៅ ឱ្យបានសស្រាក់សស្រាំ
-រាល់ការប្រើប្រាស់មធ្យោបាយរបស់អង្គភាព សូមប្រើប្រាស់ឱ្យបានត្រឹមត្រូវ។

(សូមអានបន្ត)

 ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន សមាជិកគណៈកម្មាធិការកណ្តាល គណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តក្រចេះ នៅរសៀលថ្ងៃទី១៩ ខែកញ្ញា ឆ្នាំ២០២៦នេះ​ បានអញ្ជើញជាអធិបតីភាពជួបសំណេះសំណាលជាមួយបេក្ខជនឈរឈ្មោះបោះឆ្នោតជ្រើសរើស ក្រុមប្រឹក្សាសង្កាត់អាណត្តិទី៦ ក្នុងសង្កាត់ទាំង៥ របស់ក្រុងក្រចេះ​ នៅក្រុងក្រចេះ ខេត្តក្រចេះ។ 

ពិធីសំណេះសំណាលនេះ ក៏មានការអញ្ជើញចូលរួមពីសំណាក់ប្រធានគណៈកម្មាធិការគណបក្សខេត្ត, ប្រធាន អនុប្រធានក្រុមការងារគណបក្សចុះមូលដ្ឋានក្រុងក្រចេះ សមាជិកគណៈកម្មាធិការគណបក្សក្រុងក្រចេះ​ ប្រធានភូមិទាំង១៩ បេក្ខជនឈរឈ្មោះបោះឆ្នោតក្រុមប្រឹក្សាឃុំ សង្កាត់ ប្រមាណ២០០នាក់៕

(សូមអានបន្ត)

នៅព្រឹកថ្ងៃសៅរ៍ ៨កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែកញ្ញា ឆ្នាំ២០២៦

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញចូលរួមពិធីសំណេះសំណាល និងជូនរង្វាន់ជ័យលាភីសិស្សប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេសA ក្រុងតាខ្មៅ សម័យប្រឡងថ្ងៃទី១០ ខែសីហា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងតាខ្មៅ នៅសាលប្រជុំភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។

 

(សូមអានបន្ត)

ដ្ឋមន្ត្រីក្រសួងពាណិជ្ជកម្មកម្ពុជា ចូលរួមក្នុងពិធីបើក «ពិព័រណ៍ចិន-អាស៊ាន លើកទី២៣» និងសម្ពោធស្តង់ពិព័រណ៍ពាណិជ្ជកម្មរបស់កម្ពុជា

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្មកម្ពុជា និងជាប្រធានគណៈកម្មការអន្តរក្រសួងដើម្បីរៀបចំ និងចូលរួមពិព័រណ៍ពិភពលោក និងពិព័រណ៍ពាណិជ្ជកម្មអន្តរជាតិ នៅថ្ងៃទី១៧ ខែកញ្ញា ឆ្នាំ២០២៦ បានដឹកនាំគណៈប្រតិភូកម្ពុជា អញ្ជើញចូលរួមក្នុងពិធីបើក «ពិព័រណ៍ចិន-អាស៊ាន លើកទី២៣» (The 23rd China-ASEAN Expo) ក្រោមក្រោមវត្តមានរបស់លោក Ding Xuexiang ឧបនាយករដ្ឋមន្ត្រី នៃសាធារណរដ្ឋប្រជាមានិតចិន និងដោយមានការចូលរួមពីតំណាងជាន់ខ្ពស់ ពីបណ្តាប្រទេសជាសមាជិកអាស៊ាន អគ្គលេខាធិការដ្ឋានអាស៊ាន និងថ្នាក់ដឹកនាំវិស័យឯកជនសំខាន់ៗ។

(សូមអានបន្ត)

ឯកឧត្តម នេត្រ ភក្ត្រា លើកទឹកចិត្តអ្នកផលិតមាតិកា ឱ្យរួមគ្នាផ្សព្វផ្សាយ «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ដើម្បីលើកកម្ពស់មុខមាត់កម្ពុជា

ភ្នំពេញ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានលើកទឹកចិត្តដល់អ្នកផលិតមាតិកា ឱ្យចូលរួមផ្សព្វផ្សាយឱ្យបានទូលំទូលាយអំពី «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ដែលកម្ពុជាធ្វើជាម្ចាស់ផ្ទះ នៅថ្ងៃទី២៣-២៤ ខែកញ្ញា ឆ្នាំ២០២៦ ខាងមុខ ដើម្បីបង្ហាញពីការខិតខំប្រឹងប្រែងរបស់កម្ពុជាក្នុងការលុបបំបាត់បទល្មើសបច្ចេកវិទ្យា និងលើកកម្ពស់មុខមាត់ជាតិនៅលើឆាកអន្តរជាតិ។

ក្នុងកិច្ចប្រជុំណែនាំតម្រង់ទិសអ្នកផលិតមាតិកាបណ្តាញសង្គម នាសៀលថ្ងៃទី១៨ ខែកញ្ញា ឆ្នាំ២០២៦ នៅទីស្តីការក្រសួង ឯកឧត្តមរដ្ឋមន្ត្រីក្រសួងព័ត៌មាន បានគូសបញ្ជាក់ថា «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» គឺជាព្រឹត្តិការណ៍ដ៏ធំមួយ ដែលមានការអញ្ជើញចូលរួមពីភ្ញៀវអន្តរជាតិមកពីជាង ២០ប្រទេស រួមមាន៖ អាមេរិក ចិន ជប៉ុន កូរ៉េខាងត្បូង បណ្តាប្រទេសអាស៊ាន ឥណ្ឌា អាហ្វ្រិក និងអឺរ៉ុប។

ឯកឧត្តមបានគូសបញ្ជាក់ថា នេះជាឱកាសដ៏ល្អសម្រាប់អ្នកបង្កើតមាតិកាសង្គមទាំងអស់ ក្នុងការរួមចំណែកផ្សព្វផ្សាយពីមោទនភាពជាតិ និងការប្តេជ្ញាចិត្តខ្ពស់របស់កម្ពុជា ក្នុងការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា (Online Scam) យ៉ាងមានប្រសិទ្ធភាព រហូតទទួលបានការទទួលស្គាល់ថា បច្ចុប្បន្ននេះ ពុំមានមជ្ឈមណ្ឌលឆបោកតាមប្រព័ន្ធបច្ចេកវិទ្យានៅក្នុងប្រទេសកម្ពុជាទៀតទេ បន្ទាប់ពីការបោសសម្អាត Online Scams ទ្រង់ទ្រាយធំបានទាំងស្រុង និងការចាត់វិធានការផ្លូវច្បាប់យ៉ាងម៉ឺងម៉ាត់លើជនល្មើស បណ្តាញ ព្រមទាំងមន្ត្រីពាក់ព័ន្ធ។

ឯកឧត្តមរដ្ឋមន្ត្រីបញ្ជាក់ថា ក្រៅពីអ្នកសារព័ត៌មានអន្តរជាតិជាង ៣០០នាក់ ដែលបានចុះឈ្មោះចូលរួមយកព័ត៌មានក្នុងព្រឹត្តិការណ៍នេះ អ្នកផលិតមាតិកាបណ្តាញសង្គមក៏មានតួនាទីសំខាន់ក្នុងការបន្តផ្សព្វផ្សាយ និងផលិតវីដេអូដើម្បីបង្ហាញពិភពលោកថា កម្ពុជាមានសន្តិភាព និងសុវត្ថិភាពពេញលេញ ខុសពីការផ្សព្វផ្សាយរបស់ប្រទេសមួយចំនួន ដែលមានចេតនាអាក្រក់មកលើកម្ពុជា។

«អ្នកផលិតមាតិកា គឺជាអ្នកចូលរួមចំណែកយ៉ាងសំខាន់ក្នុងការផ្សព្វផ្សាយ។ ដូច្នេះ តើអ្នកទាំងអស់គ្នាអាចជួយអ្វីបានខ្លះ? ទី១. ជួយផ្សព្វផ្សាយពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការបង្ក្រាបបទល្មើសឆបោកតាមប្រព័ន្ធអនឡាញ (Online Scam)។ ទី២. បង្ហាញពីសុវត្ថិភាព និងសន្តិសុខសណ្តាប់ធ្នាប់ល្អនៅកម្ពុជា ដែលជាកត្តាជំរុញដល់វិស័យទេសចរណ៍ និងទី៣. បង្ហាញពីជំនឿទុកចិត្តរបស់បណ្តាប្រទេសនានា ដែលបានចូលរួមក្នុងសន្និសីទអន្តរជាតិ ដែលកម្ពុជាធ្វើជាម្ចាស់ផ្ទះនេះ។»

ឯកឧត្តមបានលើកទឹកចិត្តដល់អ្នកផលិតមាតិកា និងអ្នកសារព័ត៌មានទាំងអស់ ឱ្យចុះឈ្មោះចូលរួមយកព័ត៌មានក្នុង «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ឱ្យបានទូលំទូលាយ ព្រោះនេះជាភារកិច្ចរួមរបស់យើងទាំងអស់គ្នាក្នុងការជួយផ្សព្វផ្សាយជូនជាតិ។

ប្រទេសកម្ពុជានឹងធ្វើជាម្ចាស់ផ្ទះរៀបចំ «សន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា» ចាប់ពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ ខាងមុខនេះ នៅក្នុងរាជធានីភ្នំពេញ ក្រោមប្រធានបទ «រួមគ្នាឆ្ពោះទៅកាត់ផ្តាច់ច្រវាក់ និងបញ្ចប់ការឆបោកតាមប្រព័ន្ធបច្ចេកវិទ្យាស្កែមអនឡាញ»។

គោលបំណងនៃសន្និសីទអន្តរជាតិនេះ មានចំនួន៣ រួមមាន៖ ទី១. ស្វែងយល់អំពីការវិវត្តដ៏ស្មុគស្មាញ និងឆាប់រហ័សនៃបទល្មើសឆបោកតាមប្រព័ន្ធបច្ចេកវិទ្យា ទី២. បង្កើនកិច្ចសហប្រតិបត្តិការ ពីព្រោះនេះជាបទល្មើសឆ្លងដែន ដែលមិនអាចប្រទេសណាមួយធ្វើតែឯងបានឡើយ និងទី៣. ចូលរួមផ្លាស់ប្តូរបទពិសោធន៍ពីចំណុចខ្លាំង និងចំណុចខ្សោយនៃប្រតិបត្តិការនីមួយៗ។

សូមបញ្ជាក់ថា គិតចាប់ពីខែកក្កដា ឆ្នាំ២០២៥ ដល់ខែសីហា ឆ្នាំ២០២៦ សមត្ថកិច្ចកម្ពុជា បានបើកប្រតិបត្តិការស៊ើបអង្កេតលើទីតាំងសង្ស័យបានចំនួនជាង ៨៣០កន្លែង និងបានចុះបង្ក្រាបជាក់ស្តែងចំនួន ៦៦៣ទីតាំង ក្នុងនោះបានគ្រប់គ្រង និងបិទទីតាំងអនឡាញស្កែមទ្រង់ទ្រាយធំចំនួន ៨៦កន្លែង ព្រមទាំងបានបណ្តេញចេញមុខសញ្ញាជនសង្ស័យជាជនបរទេសជាង ២ម៉ឺននាក់។ ក្នុងយុទ្ធនាការជាតិបោសសម្អាតការឆបោកតាមប្រព័ន្ធបច្ចេកវិទ្យានេះ ថវិកាជាង ៣០០លានដុល្លារត្រូវបានបង្កក ខណៈសំណុំរឿងចំនួន ៤៤៦ ករណីកំពុងស្ថិតក្នុងដៃតុលាការ៕

(សូមអានបន្ត)

ឧត្តមសេនីយ៍ទោ ស សំបូរធន អញ្ជើញ

ឧត្តមសេនីយ៍ទោ ស សំបូរធន អញ្ជើញដឹកនាំកិច្ចប្រជុំត្រួតពិនិត្យការងារហ្វឹកហ្វឺន

0

កំពង់ឆ្នាំង៖ ដោយអនុវត្តន៍បទបញ្ជារបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជា មេបញ្ជាការកងរាជអាវុធហត្ថលើផ្ទៃប្រទេស នៅបន្ទប់ប្រជុំមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ ស្ថិតក្នុងភូមិសាស្ត្រភូមិច្រកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ព្រឹកថ្ងៃចន្ទ ទី៣ ខែសីហា ឆ្នាំ២០២៦ លោកឧត្តមសេនីយ៍ទោ ស សំបូរធន មេបញ្ជាការរង និងជានាយសេនាធិការកងរាជអាវុធហត្ថលើផ្ទៃប្រទេស ទទួលផែនការងារប្រតិបត្តិការ ហ្វឹកហ្វឺន និងអន្តរាគមន៍ បានអញ្ជើញដឹកនាំអង្គប្រជុំដើម្បីត្រួតពិនិត្យការងារត្រៀមទទួលសិក្ខាកាមវគ្គបណ្តុះបណ្តាលនាយទាហានរងនៃកងរាជអាវុធហត្ថ ជំនាន់ទី៤៧ ឆ្នាំទី២ និងវគ្គបណ្តុះបណ្តាលនាយទាហានរងនៃកងរាជអាវុធហត្ថ ជំនាន់ទី៤៨។

កិច្ចប្រជុំនេះមានការអញ្ជើញចូលរួមពីសំណាក់លោកស្នងការ ស្នងការរង នាយការិយាល័យជំនាញ នាយកមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងនាយករង ប្រធានមន្ទីរ នាយការិយាល័យចំណុះ។

(សូមអានបន្ត)

 នៅព្រឹកថ្ងៃព្រហស្បតិ៍ ៦កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦

លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល អញ្ជើញចូលរួមក្នុងពិធីដុតបំផ្លាញបារីក្លែងម៉ាក
និងសម្ភារៈពាក់ព័ន្ធ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ប្រារព្ធធ្វើនៅភូមិត្រពាំងជ្រៃ ឃុំត្រពាំងធំខាងត្បូង ស្រុកត្រាំកក់ ខេត្តតាកែវ។

(សូមអានបន្ត)

 នៅរសៀលថ្ងៃពុធ ៥កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែកញ្ញា ឆ្នាំ២០២៦

ដោយអនុវត្តតាមបទបញ្ជាចង្អុលដឹកនាំដ៏ខ្ពង់ខ្ពស់ របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញជាអធិបតី ក្នុងពិធីសំណេះសំណាល សួរសុខទុក្ខ ដល់កងកម្លាំងនគរបាលនៃអធិការដ្ឋាននគរបាលស្រុកកណ្តាលស្ទឹង នៅសាលប្រជុំអធិការដ្ឋាននគរបាលស្រុកកណ្តាលស្ទឹង។

លោកឧត្តមសេនីយ៍ទោស្នងការ បានបង្ហាញពីគោលបំណងអំពី
ការចុះត្រួតពិនិត្យតាមប៉ុស្តិ៍នេះ គឺដើម្បីស្វែងយល់អំពីជីវភាពជាក់ស្តែងនៃរបៀបរបបការងាររបស់ប៉ុស្តិ៍នីមួយៗ ហើយដើម្បីជួយបំពេញបន្ថែមនូវចំណុចខ្វះខាត និងកែលំអឱ្យបានកាន់តែល្អប្រសើរបន្ថែមទៀត ពីព្រោះប៉ុស្តិ៍នគរបាលរដ្ឋបាលគឺជាអ្នកដែលនៅកៀកប្រជាពលរដ្ឋជាងគេ។

ជាមួយគ្នាដែរ លោកឧត្តមសេនីយ៍ទោស្នងការបានណែនាំដល់លោកអធិការនគរបាលស្រុកកណ្តាលស្ទឹង លោកអធិការរង នាយ-នាយរងផ្នែក លោកនាយប៉ុស្តិ៍នគរបាលចំណុះទាំង១៨ និងមន្ត្រីក្រោមឱវាទទាំងអស់ត្រូវមានសាមគ្គីភាពផ្ទៃក្នុង។ ម្យ៉ាងវិញទៀត ចំពោះការអនុវត្តដីកា សូមឱ្យកម្លាំងជំនាញនិងប៉ុស្តិ៍នគរបាលរដ្ឋបាលយកចិត្តទុកដាក់អនុវត្តការងារនេះឱ្យបានច្បាស់លាស់ ហើយរង្វាន់លើកទឹកចិត្តនៅតែរក្សាដដែលចំពោះការចាប់ខ្លួនជនត្រូវចោទ១នាក់ ឧបត្ថម្ភថវិកា៤០០,០០០រៀល។

បន្ថែមពីនេះ លោកឧត្តមសេនីយ៍ទោស្នងការ បានណែនាំដល់គ្រប់ប៉ុស្តិ៍ទាំងអស់ត្រូវតែយកចិត្តទុកដាក់លើការងារដូចខាងក្រោម៖
- ត្រូវរៀបចំកន្លែងស្នាក់នៅនៅតាមបុស្តិ៍នីមួយៗឱ្យបានសមរម្យ និងត្រូវដាច់ដោយឡែកពីអគារបំពេញការងារ រួមទាំងដាក់កាំមេរ៉ាសុវត្ថិភាពក្នុងទីតាំងប៉ុស្តិ៍ឱ្យបានគ្រប់ៗប៉ុស្តិ៍
-ត្រូវទទួលពាក្យបណ្តឹងរបស់ប្រជាពលរដ្ឋទោះបីជាកើតហេតុនៅក្រៅដែនសមត្ថកិច្ចរបស់ខ្លួនក៏ដោយ
-ត្រូវផ្តល់សេវាជូនប្រជាពលរដ្ឋប្រកបដោយសីលធម៌ ឥរិយាបថ សុភាពរាបសារ តែការងារមុឺងម៉ាត់ជាមួយប្រជាពលរដ្ឋ
-ត្រូវតែបន្តយកចិត្តទុកដាក់អនុវត្តគោលនយោបាយភូមិ ឃុំ សង្កាត់ មានសុវត្ថិភាព ឱ្យកាន់តែល្អប្រសើរថែមទៀត រួមទាំងការងារល្បាតពួនស្ទាក់ រៀបចំផែនការប្រទាក់ក្រឡារវាងប៉ុស្តិ៍និងប៉ុស្តិ៍ជាប់ព្រំប្រទល់ ដើម្បីបង្ការទប់ស្កាត់បទល្មើស
-ត្រូវគ្រប់គ្រងមុខសញ្ញាទាំងចាស់ និងថ្មី ឱ្យបានច្បាស់លាស់ (មុខសញ្ញាបទល្មើសព្រហ្មទណ្ឌ គ្រឿងញៀន រួមទាំងក្មេងទំនើង)
-ត្រូវតែមានកិច្ចសហការនិងទំនាក់ទំនងល្អជាមួយអាជ្ញាធរមូលដ្ឋាន។

ជាចុងក្រោយ លោកឧត្តមសេនីយ៍ទោស្នងការបានពាំនាំប្រសាសន៍ផ្តាំផ្ញើសួរសុខទុក្ខ និងឧបត្ថម្ភនូវគ្រឿងឧបភោគបរិភោគរួមមានអង្ករ១តោន ទឹកសុទ្ធ២០កេស មី២០កេស ត្រីខ១កេសធំ រួមទាំងថវិកាដែលជាអំណោយដ៏ថ្លៃថ្លារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ជូនដល់អធិការដ្ឋាននគរបាលស្រុកកណ្តាលស្ទឹងផងដែរ។

(សូមអានបន្ត)